» Үштөбе тірек мектебі (РО)»КММ-нің бастауыш сынып оқушылары «Оқуға құштар мектеп » жобасы аясында түрлі оқу түрлерін пайдалану арқылы ертегі,әңгіме, өлеңдер,т.б шығармалар оқыды. 2 «А» сынып оқушылары Мұзафар Әлімбаевтың «Кемпірқосақ» өлеңін қимыл-қозғалыс жасай отыра хормен оқып шықты. Хормен және қимыл-қозғалыс жасай отыра оқытудың мақсаты- алдымен оқушыларды оқуға қызықтыру, зейінін тұрақтандыру. Хормен оқу оқушылардың еркін сөйлеуін , өзіне деген сенімділігін және ынтасын арттыруға көмектеседі. Қимыл-қозғалыс арқылы оқу оқушылардың көңілінен шықты. Өлеңді ерекше ынтамен, қызығушылықпен оқып шықты. Алдағы уақытта да шығармаларды оқуда оқудың түрлі әдістерін қолдану жоспарда бар.