Ұстаз деген – жарық күні ғаламның,
Ұстаз деген – анасы ол адамның.
Бүкіл әлем мойындайды еңбегін,
Сен де одан адам болып жаралдың — деп ақындар жырлаған, еңбегін әлем мойындаған Ұстаздар мерекесі де келіп жетті. Бұл мереке ән-күйсіз өтпейтіні белгілі.
Осындай айтулы мерекеде мектебімізде әдемі де әсерлі концерт өткізілді. Оқушылар ұстаздарына алғысын ән- күймен, жырмен жеткізіп, тіпті Мұғалім өмірінен шағын көріністе ұйымдастырып, орынды әзіл мен мағыналы да мәнді сөздерді ұштастыра отыра көрермендерге көтеріңкі көңіл-күй сыйлай білді. https://www.instagram.com/tv/CjLkYjUDds1/?utm_source=ig_web_copy_link

Денсаулық – бұл адамның еңбекке белсенді болуы, әрі ұзақ өмір сүруі, тәннің саулығын және рухани саулығын сезіну.
Халқымыз «Дені саудың – жаны сау» деп орынды айтқан. Отанымыздың келешегі, көркеюі – салауатты өмір салтын сақтайтын білімді де саналы ұрпақтың қолында.
Осы орайда дене шынықтыру мұғалімдері, мектеп парламентінің ұйымдастыруымен»Белсенді өмір- жүз жастық ғұмыр!» тақырыбында 1-11 сыныптар аралығында үлкен спорттық іс-шара өткізілді. Балалар арқан тартыс, қол күрес, волейбол, футбол, дартс, асық ату бойынша күштерін сынады. Бұл іс -шаралар балалардың денелерін шынықтырып, салауатты өмір салтын қолдануға насихаттап, сынып арасындағы, оқушылар арасында белсенді бәсекелестіктің дамуына жол ашты. Қызу да қызықты сайыста қатысушылар сынып болып бірігіп, ерік-жігерлерін шыңдады. Әр жарыс түрі бойынша жеңімпаздар анықталды.

Балалар мен жастардың шығармашылық белсенділігін және өз бетінше әрекет етуіне, сондай-ақ туындайтын мәселелерді білім алушылардың өз бетінше шешуі үшін жағдай жасау мақсатында құрылған мектеп парламентінің құрамы жаңартылып, «Жас қанат» атауымен оқу жылын бастады. Ұйымның ұраны:
«Жас қанаттың» қатайтамыз қанатын,
Шәкірттер бар оттай лаулап жанатын.
Биік ұстап достық, білім, ілімді
Қуанышын бірлігінен табатын. Ж — жас жеткіншек
А — адалдығымен
С — сан қырлы
Қ — қасиетімен
А — адамгершілігімен
Н — намысымен
А — абыройымен
Т — тәлім алады Оқу жылына жоспар құрылып, әр фракция өз жұмысын бастап кетті.

«Сыбайлас жемқорлыққа қарсы іс-қимыл туралы» Заңға сәйкес сыбайлас жемқорлыққа қарсы мәдениетті қалыптастыру мақсатында 7 сынып оқушыларымен адалдық сағаты өткізілді. Оқушылармен «жемқорлық» сөзінің мағынасы, оның зияны мен алдын алу жолдары талқыланып, тақырып аясында ой өрбіттік.

Тәрбие – тәртіптен басталады. Ал тәрбиесіз берілген білім – адамзаттың қас жауы. Сондықтан балалардың білімді де тәрбиелі болуының негізі – тәртіп. Оқушылардың тәртібін түзеп, әрт-түрлі келеңсіздік пен түсініспеушіліктердің алдын алу мақсатында бүгін Бұқар-жырау ауданының ПБ ЖПҚБ ЮПТ УПИ полиция аға лейтенанты Нурсултан Сейфуллаевич Сейдигалимов қатысуымен 8-11 сынып оқушылары арасында «Заң және оны сақтаудың қажеттілігі» тақырыбында Оқушылар кәмелетке толмаған жасөспірімдердің заң алдындағы жауапкершілігі, мектептегі жүріс-тұрысы мен міндеттері жайлы ақпаратпен танысып, сұрақтарына тұщымды жауап алды.